Putin razılaşmanı pozdu:Qarabağdakı rusların sayı 5 mini keçdi -Türkiyə KİV

14:16 02-01-2021 225

"Azərbaycan, Rusiya və Ermənistan arasında noyabrın 10-da imzalanan bəyanat çərçivəsində sülhməramlı qüvvələr olaraq Qarabağa gələn Rusiya hərbçiləri ilə bağlı sənədin müddəaları pozulub".

Bu barədə Türkiyənin "Yeni Şafak" qəzeti yazıb:

"Dağlıq Qarabağda təmas xətti və Laçın dəhlizi boyunca xidmət edəcək sülhməramlılarının sayının 1960 nəfər olacağı qərarlaşdırılsa da, rusların fərqli şəxslər və vəzifəlilərlə bölgəyə göndərdiyi personal sayı 5 min nəfəri keçib".

Qəzet bildirib ki, hərbçilərlə yanaşı, Fövqəladə Hallar Nazirliyi əməkdaşları, texniki və səhiyyə müəssisələrinin tibb heyəti, Qarabağa tikinti və bərpa işlərində çalışmaq üçün texniki mühəndislər də göndərib. Bölgədə rusiyalıların sayının daha da artmasından narahatlıq var.

"İstər erməni silahlı qüvvələri ilə, istərsə də qondarma DQR-in "rəhbərləri" ilə görüşən Rusiya hərbçilərinin səmimi görüntüləri Azərbaycan ictimaiyyətində narahatlıq yaradır. Bölgədə Rusiya sülhməramlı qüvvələri olduğu halda, ermənilərin hələ də dağlıq ərazilərdə hücumlar təşkil etməsi insanlarda sual yaradır",-deyə qəzet yazır.