Sülhməramlılar Qarabağda -427 hektar ərazini minadan təmizlədi

12:23 06-01-2021 261
Dağlıq Qarabağdakı Rusiya sülhməramlı qüvvələrinin mühəndis bölmələri əraziləri minalardan təmizləməkdə davam edir.
 Bu barədə Rusiya Müdafiə Nazirliyi məlumat yayıb.

Qeyd edilib ki, 23 noyabr 2020-ci il tarixindən etibarən əməliyyat müddətində Rusiya sülhməramlı qüvvələrinin mühəndis bölmələri təxminən 427 hektar ərazini, 160,8 km yolu, 617 yaşayış binasını, o cümlədən 22 sosial əhəmiyyətli obyekti minalardan təmizləyib, 19,6 mindən çox partlayıcı zərərsizləşdirilib.

Aşkar edilmiş partlayıcı vasitələr və partlamamış döyüş sursatları xüsusi təchiz edilmiş poliqonda məhv edilir. Evakuasiya edilə bilməyən döyüş sursatları isə yerindəcə zərərsizləşdirilir.