Nizami rayonunda ağaclar məhv edilir - FOTO

19:35 13-02-2021 306

Bakı şəhəri, Nizami rayonu, Məmmədəli Şərifli küçəsi 2524-cü məhəlləsində binaların önündəki ağaclar hissə-hissə məhv edilir.

“Report” xəbər verir ki, ərazidə yaşayan sakinlər ağacların kəsilməsindən narazıdırlar.

Ekologiya və Təbii Sərvətlər Nazirliyinin tabeliyindəki Dövlət Ekoloji Təhlükəsizlik Xidmətinin rəisi Hikmət Əlizadə açıqlamasında ərazidə ağacların kəsildiyini təsdiqləyib:

“Dünən axşam saatlarında Nizami rayonu, Şərifli küçəsi 2524 ünvanında ağacların qanunsuz kəsilməsi ilə bağlı məlumat daxil olub. Dərhal Dövlət Ekoloji Təhlükəsizlik Xidmətinin 11 saylı Regional İdarəsinin əməkdaşları həmin əraziyə yollanıb və ağac kəsilməsi faktı aşkar edilib. Eyni zamanda hadisə yerindən bir neçə ağacın kəsilməsində istifadə edilən alətlər götürülüb. Hazırda ərazinin sahibinin müəyyənləşməsi istiqamətində araşdırma davam edir.

Çünki həmin sahə qismən hasarlanmış ərazidir. Ərazinin mənsubiyyətinin öyrənilməsi ilə bağlı sorğular aparılıb. Yaxın günlərdə müvafiq cavablar alındıqdan sonra araşdırma davam etdiriləcək. Araşdırmaların nəticəsi barədə ictimaiyyətə məlumat veriləcək”.

Vərəm xəstələrinin müalicə aldığı Elmi Tədqiqat Ağciyər Xəstəlikləri İnstitutu da sözügedən ərazidə yerləşir.