“Qarabağda rus dili rəsmi dil ola bilməz!” -XİN-dən bəyanat gözlənilir

19:23 28-03-2021 297

“Erməni separatçıları Xankəndidə “parlamentlərinin” iclasında rus dilinin ikinci “dövlət dili” elan olunması haqqında qərar qəbul ediblər. Aydındır ki, separatçılar bu qərarı Moskvaya xoş gəlmək və Rusiyaya nökərçiliyi davam etdirmək üçün veriblər”.

Yenixeber.org: Bu sözləri “Atlas” Araşdırmalar Mərkəzinin rəhbəri, politoloq Elxan Şahinoğlu özünün Facebook hesabında yazıb.

E.Şahinoğlu “Sherg.az”a açıqlamasında məsələ ilə bağlı kəskin mövqeyini ifadə etdi:

“Azəbaycan Xarici İşlər Nazirliyinin bəyanatını gözləyirik. Bəyanatın mətnini hazırlamaqda çətinlik çəkirsinizsə, Prezident İlham Əliyevin fevralın 26-dakı bu mövzuyla bağlı açıqlamasına istinad edin:

“Qarabağda rus dili rəsmi dil ola bilməz. Azərbaycanın bir rəsmi dili var! Xarici əsgərlərin Azərbaycan ərazisində fəaliyyət göstərməsi müvəqqəti xarakter daşıyır. Bu, hərbi baza anlamına gəlmir. 5 ildən sonra Azərbaycan fərqli fikir sərgiləsə, onların fəaliyyətinə son veriləcək! Xocalıya da qayıdacağıq. Ermənistan tərəfi bunu anlamalıdır! "Arsax dövləti” olmayıb və olmayacaq da! Qarabağ aranı ilə, dağı ilə Azərbaycanın ayrılmaz hissəsidir”! Həmin sözlərin hər dəfə təkrarlanmasına, bəyanatların verilməsinə ehtiyac var ki, bunu həm İrəvanda, həm də Moskvada duysunlar”!