Cavid Qurbanov Masazırda böyük torpaq sahəsini özəlləşdirərək qəbiristanlığa çevirib?

22:46 17-04-2021 225

"Azərbaycan Dəmir Yolları" QSC-nin sədri Cavid Qurbanov Masazırda böyük torpaq sahəsini özəlləşdirərək qəbiristanlığa çevirib. 

Unikal.org 
xəbər verir ki, bununla bağlı məlumatı sosial şəbəkə istifadəçisi Səfər Cavadov paylaşıb.

O bildirib ki, Cavid Qurbanov sənədləşdirib, aldığı torpaq sahəsini həmyerliləri üçün məzarlıq edib. Masazırdakı həmin ərazi  "Kəlbəcərlilər Qəbiristanlığı" kimi tanınır. 

2015-ci ilin fevralın 9-da Prezident İlham Əliyev Cavid Qəmbər oğlu Qurbanovun "Azərbaycan Dəmir Yolları" Qapalı Səhmdar Cəmiyyətinin sədri təyin edilməsi haqqında sərəncam imzalayıb.

Qeyd edək ki, Cavid Qurbanov 1958-ci ildə Azərbaycan Respublikası Kəlbəcər rayonunun Ağdaban kəndində anadan olub.

1975-ci ildə Kəlbəcər rayon orta məktəbini bitirdikdən sonra 1975-1976-cı illərdə Kəlbəcər şəhərində elektroenergetika sahəsində çalışıb.

1977-ci ildə Azərbaycan İnşaat Mühəndisləri İnstitutuna daxil olub.

1980-1981-ci illərdə "Azəryollayihə" Layihə İnstitutunda texnik-cizgiçi, 1982-1987-ci illlərdə "Azərnəqliyyattikinti" Trestinin avtobazasında mexanik, baş mexanik, rəis müavini vəzifələrində çalışıb.

1985-ci ildə Azərbaycan İnşaat Mühəndisləri İnstitutunu bitirib. 1987-1992-ci "Elektromexanizasiya" Trestinin 4 saylı Avtonəqliyyat Kontorunda direktor, 1992-1993-cü illərdə Respublika İxtisaslaşdırılmış "Avtonəqliyyat" Birliyində baş direktor, 1993-1994-cü illərdə "Azəravtoyol" Dövlət Şirkətində prezident vəzifəsində işləyib.

Daha sonra isə 1995-ci ildə "Azərərzaqnəqliyyat" Birliyində direktor, 1996-1997-ci illərdə Azərbaycan Dövlət Dəmiryolu İdarəsinin Təchizat şöbəsində rəis, 1997-2001-ci illərdə "Azərdəmiryolservis" İstehsalat Birliyində rəis kimi çalışıb.

2003-cü ildən "Yolnəqliyyatservis" Departamentinin rəisi, 2004-cü ildən Nəqliyyat Nazirliyi "Yolnəqliyyatservis" Məhdud Məsuliyyətli Cəmiyyətinin rəisi vəzifələrində çalışıb.

2007-ci ilin fevral ayından "Yolnəqliyyatservis" Departamentinin "Azəryolservis" Açıq Səhmdar Cəmiyyəti olması ilə əlaqədar olaraq "Azəryolservis" ASC-nin sədri kimi işləyib, texniki elmlər namizədidir.

123 saylı Kəlbəcər seçki dairəsindən III və IV çağırış Azərbaycan Respublikası Milli Məclisinin deputatı seçilib və Milli Məclisin İqtisadi siyasət komitəsinin üzvüdür. Yeni Azərbaycan Partiyasının üzvüdür.