Prezident İlham Əliyev: "Cəbrayıl rayonuna gəlmişik" - VİDEO

19:59 27-04-2021 225

Aprelin 26-da Azərbaycan Respublikasının Prezidenti İlham Əliyev, Birinci vitse-prezident Mehriban Əliyeva, qızları Leyla Əliyeva Cəbrayıl və Zəngilan rayonlarında olublar.

Səfər çərçivəsində ölkə başçısı Cəbrayıl rayonunun girəcəyində quraşdırılmış və işğaldan azad olunduqdan sonra yenilənmiş “Cəbrayıl” yazısının önündə foto çəkdirib.

Bununla bağlı görüntüləri Birinci vitse-prezident Mehriban Əliyeva öz “Instagram” səhifəsində paylaşıb.

“Cəbrayıl rayonuna gəlmişik. Vaxtilə rayonun girişində ucaldılmış lövhəni biz yenidən qurduq. Eyni forma və dizaynla “Cəbrayıla xoş gəlmisiniz” lövhəsini bərpa etdik”. Bu sözləri Prezident İlham Əliyev Cəbrayıl rayonuna səfəri zamanı deyib.

O bildirib ki, sözügedən löhvə işğal dövründə tamamilə sökülmüş, paslanmışdı və onun paslanmış görüntüləri mətbuatda da var:

“Ona görə də tarixi ədaləti bərpa edərək bu lövhəni yenidən qurduq. Bütün azad olunmuş şəhərləri də yenidən bərpa edəcəyik”.

 

Bundan başqa, Prezident İlham Əliyevin Cəbrayıl və Zəngilan rayonlarına səfəri zamanı idman alətləri ilə məşq etməsinin videosunu Birinci Vitse-prezident Mehriban Əliyeva şəxsi “Instagram” hesabında paylaşıb.