Göyçayda orta məktəbin direktor müavini sakinləri YOXSULLUĞA MƏHKUM EDİR

17:58 29-05-2021 441

Göyçay rayonu Şəhadət kənd sakini Şıxəliyev Qismət Əsgər oğlu tərəfindən redaksiyamıza şikayət məktubu göndərilib. Göyçay rayonu Şəhadət kənd sakini şikayət məktubunda Bığır kənd 1№-li tam orta məktəbin direktor müavini Rakif Hacıyevin özbaşınalığından və qanunsuz əməllərindən bəhs edib.

Göyçay rayonu Şəhadət kənd sakini Şıxəliyev Qismət Əsgər oğlunun şikayət məktubunu şərhsiz və müdaxiləsiz təqdim edirik:

 

"Göyçay rayon Bığır kənd 1№-li tam orta məktəbin direktor müavini Rakif Hacıyevə məxsus toxum, mineral gübrə, dərmanların, şitillərin topdan və pərakəndə satışı maqazinləri, baytarlıq aptekləri kənd təsərrüfatına, fermerlərə, kəndlilərə külli miqdarda ziyanlar vurmaqla qanunsuz fəaliyyət göstərir.

Belə ki, mənim həyətyanı torpaq sahəmdə 200 ədəd müxtəlif meyvə ağacları var. Həmin ağaclara bit düşdüyü üçün Rakif Hacıyevə məxus Göyçay şəhərində yerləşən maqazinə üz tutdum. Bit əleyhinə keyfiyyətli dərman adı ilə mənə verilən mayeni deyildiyi kimi ağcalarıma səpdim.
 
Bir gün sonra əks reaksiya verdiyini və ağacların sürətlə saralmasını, qurumasının şahidi oldum. Mən dərhal həmin maqazinə gedib məlumat verdim. Gəlib baxıb etiraf etdilər ki, dərmanı səhv veriblər.
 
Göyçay rayon Bığır kənd 1№-li tam orta məktəbin direktor müavini Rakif Hacıyevin səhvinə görə mənim 200 ədəd meyvə ağaclarım quruyub məhv oldu. Buna görə mənə külli miqdarda ziyan dəydi. Həmin dərman nəinki ağaclarımı qurutdu, hətta torpağı da yararsız hala saldı. Mənim şikayət edəcəyimdən narahatlıq keçirən Rakif Hacıyev 2000 manat pul versədə qalan pulumu vermək istəmir.
 
Hansı ki, Rakif Hacıyevin səhlənkarlığı, özbaşınalığı nəticəsində mənə dəymiş zərər külli miqdardadır. Çünki, həmin 200 ədəd ağac mənə ildə 5-6 min manat arası qazanc verirdi. Bu isə 20 ilə vurulanda külli miqdarda edir.
 
Qeyd edim ki, Göyçay rayonunda Rakif Hacıyevə məxsus 5 ədəd toxum, gübrə, dərman maqazini, 3 ədəd isə baytarlıq aptekləri fəaliyyət göstərir.
 
Rakif Hacıyev insanları aldatmaqla özünə səltənət yaratmışdır.
 
Mənim himayəmdə 3 azyaşlı övladım var. Yeganə gəlir yerim hər il bu ağacların meyvəsini satıb əldə etdiyim pul idi. İndi isə Göyçay rayon Bığır kənd 1№-li tam orta məktəbin direktor müavini Rakif Hacıyevin səhlənkarlığına, özbaşınalığına görə 5 nəfərlik ailəm aclıq içində yaşamağa məhkum olacaq.
 
Göyçay Dövlət Aqrar İnkişaf Mərkəzinin nəzarətsizliyi nəticəsində Göyçayda belə bir yaramaz insan qanunsuz fəaliyyətlə məşğul olub insanlara, kənd təsərrüfatına ziyanlar vururlar. Çünki, Göyçay Dövlət Aqrar İnkişaf Mərkəzinin rəhbərliyi öz işinin öhdəsindən gələ bilmir.
 
Mən çörəyi əlindən çıxmış, ailəsi aclığa məhkum olunmuş zəhmətkeş kəndli mətbuat vasitəsi ilə Prezident İlham Əliyevdən, Baş Prokuror cənab Kamran Əliyevdən və Kənd Təsərrüfatı Naziri cənab İnam Kərimovdan xahiş edirəm ki, Göyçayda qanunsuz fəaliyyət göstərən, mənə ziyanlar vuran Göyçay rayon Bığır kənd 1№-li tam orta məktəbin direktor müavini Rakif Hacıyevin qanunsuz fəaliyyətini yoxlayıb barəsində qanuni tədbirlər görəsiniz.
 
Əlaqə telefonu: (051) 306-93-96 
  

Mövzu ilə bağlı maraqlı şəxs və qurumların mövqeyini dərc etməyə hazırıq.