Ağstafada tenderləri kimlər udur?

16:10 27-08-2021 549

2021-ci ilin yanvar ayından indiyə kimi Ağstafa rayonunda dövlət qurumları tərəfindən ümumi məbləği 1 milyon 378 min 853 manat məbləğində 18 tender keçirilib. Fed.az-ın məlumatına görə, İcra hakimiyyəti 9 tenderə 1 milyon 176 min 894 manat xərcləyib.

Ağstafa Rayon İcra Hakimiyyətinin keçirdiyi ən böyük tenderi "MEQA AN İNŞAAT” MMC şirkəti udub. Bele ki, "MEQA AN İNŞAAT” MMC ümumi dəyəri 1 163 min 284 manat olan 8 tenderin qalibi olub.

Ağstafa Şəhər Mənzil Kommunal Təsərrüfati Birliyi ümumi məbləği 30 min 680 manat olan 2 tender müsabiqəsi keçirib. Tenderlərin hər ikisinin qalibi "Ağstafa Bərpa” MMC olmuşdur.

Ağstafada dövlət satınalmalarının aktiv şirkətləri:

1. "MEQA AN İNŞAAT” MMC – 01.12.2009-cu ildə dövlət qeydiyatına alınıb, nizamnamə kapitalı 10 manatdır. Qanuni təmsilçisi Yaşar Aslanov İmamverdi oğludur.

2. "Orman AS” MMC – 12.05.2018-ci cu ildə dövlət qeydiyatına alınıb, nizamnamə kapitalı 10 manatdır. Qanuni təmsilçisi Elvin Yaqubəliyev Abdı oğludur.

3. "Stone Construction” QSC – 07.07.2008-ci cu ildə dövlət qeydiyatına alınıb, nizamnamə kapitalı 2 010 manatdır. Qanuni təmsilçisi Elman Hacızadə Xalid oğludur.