Azərbaycan və Türkiyə təyyarələri əməliyyat uçuşlarını yerinə yetirib - FOTO/VİDEO

12:55 10-09-2021 486

“TurAz Şahini-2021” birgə taktiki-uçuş təlimlərinin planına əsasən Azərbaycanın və Türkiyə Respublikasının döyüş təyyarələri əməliyyat uçuşları yerinə yetirib.

Müdafiə Nazirliyindən verilən məlumata görə, təlimlərdə hər iki ölkənin Hərbi Hava Qüvvələrinin iştirakı ilə birgə əməliyyatların keçirilməsi üzrə qarşılıqlı fəaliyyətin və fərqli xüsusiyyətlərə malik döyüş təyyarələri arasında rabitə əlaqəsinin uzlaşdırılması imkanları öyrənilir.

Eyni zamanda, havadan zərbələr endirməklə şərti düşmənin hava hücumundan müdafiə vasitələri və hərbi təyinatlı strateji obyektlərinin məhv edilməsi, o cümlədən yaxın hava döyüşü və digər tapşırıqlar müvəffəqiyyətlə icra olunur.

Təlimlər sentyabrın 17-dək davam edəcək.