Parlamentin bu il üçün son iclası: “Media haqqında” qanun layihəsi üçüncü oxunuşda müzakirəyə çıxarılır

17:12 28-12-2021 396

Milli Məclisin 2021-ci il payız sessiyasının son iclasının gündəliyi açıqlanıb.

Proqnoz.com-un məlumatına əsasən, dekabrın 30-da keçiriləcək iclasın gündəliyinə doqquz məsələnin müzakirəsi daxil edilib.

 

İclasda müzakirə olunacaq qanun layihələri aşağıdakılardır:

1. İctimai Televiziya və Radio Yayımları Şirkəti Yayım Şurasının tərkibində dəyişiklik edilməsi haqqında Milli Məclisin qərar layihəsi.

2. “Azərbaycan Respublikası və Dünya Bankı Qrupu Təşkilatları arasında Azərbaycan Respublikasında Ofislərin Qurulmasına və Fəaliyyətinə dair” Sazişin təsdiq edilməsi haqqında qanun layihəsi.

3. “Azərbaycan Respublikası Hökuməti ilə Səudiyyə Ərəbistanı Krallığı Hökuməti arasında gömrük işi sahəsində əməkdaşlıq və qarşılıqlı yardım haqqında” Sazişin təsdiq edilməsi barədə qanun layihəsi.

4. “Sellülyar səyyar rabitə sistemlərinin inkişaf etdirilməsində və onlardan istifadə olunmasında əməkdaşlıq haqqında 1997-ci il 17 yanvar tarixli Sazişə dəyişikliklər edilməsi barədə Protokol”un təsdiq edilməsi haqqında qanun layihəsi.

5. “Azərbaycan Respublikası Hökuməti ilə Qətər Dövləti Hökuməti arasında ümumvətəndaş pasportlarına malik şəxslərin viza tələbindən azad edilməsi haqqında” Sazişin təsdiq edilməsi barədə qanununun layihəsi.

6. “Media haqqında” qanun layihəsi (üçüncü oxunuş).

7. Vergi Məcəlləsində dəyişiklik edilməsi haqqında qanun layihəsi.

8. Mənzil Məcəlləsində dəyişiklik edilməsi haqqında qanun layihəsi.

9. Dünya Azərbaycanlılarının Həmrəyliyi Günü münasibəti ilə Milli Məclisin Müraciətinin təsdiq edilməsi haqqında qərar layihəsi.