"Pokazuxalıq" evimizi yıxdı

16:20 14-01-2022 477

AMEA -nın prezidenti, akademik Ramiz Mehdiyev iclas keçirib. Adəti üzrə, yubiley təbrikləri və təltiflərindən sonra nəşr olunan məqalə və monoqrafiyaların kəmiyyət döyüşü başlayıb. "Döyüş" başa çatar-çatmaz elmimizi "ağ" günə, xalqımızı "rifah"a qovuşdurmuş  plan işlərinin sayı və mövzusu elan edilib. Rəqəmlər yenə cuşə gəlib, titrəyib-əsib...
Xatırladım ki, akademik Abel Məhərrəmov təxminən 1500-2000 ELMİ əsərin müəllifi, 43 mükafatın, sayı bilinməyən vəzifələrin ağası, respublika, beynəlxalq və xarici ölkələrdə  21 elmi qurumun üzvü, daha nələr və nələrin sahibidir. Bundan başqa, 53 elmlər və fəlsəfə doktoru yetişdirib (Qeyri-adi adam!!!). Hələ möhtəşəm sayda ELMİ əsərlərin, təltiflərin, daha nələr və nələrin müəllifi akademik İsa Həbibbəylini və digər nəhəng qrantmeysterləri demirəm.
Deyirəm, ay Allah, rəhmin gəlsin bir neçə vəzifə tutan bu möhtəşəm və möhtərəm akademiklərimizə! Yazıqlar gecə-gündüz dayanmadan ELMİN sirlərini faş edib bəşəriyyətə “fayda” verməklə ölkəmizi “çiçəkləndirir”, ELM yolunda canlarını “fəda” edirlər.
Uca Rəbbim! Yüzlərlə, minlərlə “elmi” əsər yazıb, milyonlarla qrant yeyən, büdcənin altını üstünə çevirən, dünya malına aldanıb "xalqımızı ağ günə çıxaran”, rüşvətin, alverin nə olduğunu “bilməyən”, mənim aldığım maaşdan 10 dəfə “aşağı” maaş alan, millət, dövlət və rəhbər “sevdalısı" olan möhtərəm akademik-alimlərimizin üzü hörmətinə xalqımızı aclıq, xəstəlik və safəalətdən qoru!
PS. Bu dərəcədə biganə baş akademiki olan ölkənin vay halına!  Şəbəkəyə qoşulmayan alimə nifrət, onun maddi sınağa çəkilməsi və "pokazuxalıq" evimizi yıxıb elmimizi kor, yurdumuzu viran qoydu, mənəviyyatımızı və iqtisadiyyatımızı çökdürdü. Ən faciəlisi isə yüksək vəzifə tutaraq dövlətin resurslarından istifadə edib bu idbar ənənənin həvəslə davam etdirilməsidir
İdris Abbasov

Paralel.az