“Valeh Hacıyev lüks otellər və restoranlarda dövlət hesabına məclislər qurub” - İTTİHAM

18:15 27-04-2022 243

Dünya Azərbaycanlılarının V Zəfər Qurultayı başa çatdı. Artıq Kıbrısa yola düşürük. Ümumilikdə demək istərdim ki, qurultaya böyük əmək sərf olunmuşdu. Həm maddi, həm də mənəvi cəhətdən böyük iş görüldü. Komitə sədri Fuad Muradov və komandası gücü çatanı elədi. Amma…. Dünyamız, çevrəmiz, həyatımız dəyişir. Hər şey dəyişsə də komitədən müavin Valeh Hacıyev dəyişmir. Ölkə başçısı xaricdə yaşayan bütün soydaşlarımıza sarılıb, onlara qayğı göstərir. Valeh Hacıyev isə əl-qol sallayır, necə deyərlər “şıllaq” atır… 

 


Xalqxeber.az busaat.az-a istinadla xəbər verir ki, bu sözləri Azərbaycan- Şimali Kipr Dostluq Cəmiyyətinin sədri Orxan Həsənoğlu deyib.

“Ömrünü Azərbaycan diasporunun parçalanmasına, soydaşlarımız arasında birlik və bərabərliyin pozulmasına sərf edən bu adam kimə xidmət edir? Dövlətin vəsaitini hara sərf edir? Onu kimlər “mühafizə” edir?”
“Fuad Muradov gənc və enerjili komanda ilə yeniliklərə can atır. Bu insansa özünü “laboratoriya siçanları” üzərində araşdırmalar edən biri kimi aparır. Valeh Hacıyev bizi Kiprdə parçalaya bilmədi. Amma 10 ildə işlərimizin getməməsi üçün “yeraltı” əməliyyatlar etdi. Bilmədi ki, biz yerin altı haqqında da, üstü haqqında da məlumat sahibiyik. 10 il ərzində gördüyümüz bütün işlərə rəğmən bir dəfə olsun bu insandan Allahın salamını görmədim. 50 qəpik cibindən Azərbaycan üçün pul xərcləməyib. Türkiyədə lüks otellər və restoranlarda dövlət hesabına məclislər qurub. Dövlətə uzun illər zərər vurub. Ölkəmizin xeyrinə olan heç bir müraciətə müsbət yanaşmayıb. Biz 10 ildir bütün məsələləri öz hesabımıza həll edirik. Dövlətimizdən çox razıyıq.Hər zaman ən üst səviyyədə qayğı görmüşük.”- deyə Orxan Həsənoğlu əlavə edib.

O, hətta Valeh Hacıyevə müraciət də edib.

“Bundan sonra hər şey fərqli olacaq, Valeh Hacıyev. Sən və sənin kimi dövlət əmlakını talayan (isbat edəcəm, darıxma), ölkə nüfuzuna zərər verən, Türkiyədə fəaliyyət göstərən dərnəklərə və şəxslərə qarşı savaş açan xarakterlər təmizlənəcək. Biz Azərbaycan üçün gecəmizi gündüzümüzə qatdıq, cənab prezidentə xidmət etdik, dövlətimizin tanıtımı və soydaşlarımızın rahatlığı üçün çalışdıq. Sən 20 ildir nə etdin? Kimə xidmət etdin? “