Coğrafiya müəllimi, “svarşik”, “raypo sədri” və icra başçısı.... - Mərdan Camalovun “şanlı” həyat yolu....

14:09 07-05-2022 468

İcra başçıları orduda xidmət edibmi, yoxsa fərari, dezertir olublar..? 

Mərdan Camalovun  cibində 100-lərlə maaş kartı  var idi..


Şirvanın keçmiş, Zərdabın indiki icra başçısı Mərdan Camalovun  barəsində  Gundelik-Baku.com olaraq kifayət qədər yazmışıq. 
Sonuncu yazımızda  bu adamın Prezidentin rəsmi saytında Mərdan Camalov, Zərdab Rayon icra hakimiyyətinin saytında isə Mərdan Camalzadə adlandırılması  və bunun hüquqi rüsvayçılıq olması barədə yazmışdıq. 
Təsəvvür edirsiniz, dövlət qurumu olan Prezidentin saytında bu adamın soyadı CAMALOV, digər dövlət qurumu olan Rayon İcra Hakimiyyətinin  saytında CAMALZADƏ gedir. 
Təkcə bu fakt  idarəetmədəki  boşluqları ortaya qoyur. 
Neçə illərdi ki, Gündəlik-Bakı olaraq yazırıq ki, Prezident  Administrasiyası  Rayon İcra Hakimiyyətlərinin  rəsmi saytlarında  bir  qayda yaratsın. 
Bu sizin üçün  dərnək, yaxud  blogger  səhifəsi-zad  deyil ee, rəsmi dövlət qurumunun səhifəsidr.
Amma təəssüflər olsun ki, bu məsələ tamamilə  özbaşına buraxılıb. 
Elə rayonlar var ki, rəsmi saytlarında bircə cümlə yazır ki, Prezident tərəfindən rayona icra başçısı təyin olunub. 
Bircə cümlə...
İcra başçsının həyat yolu ilə tanış olmaq istəyən vətəndaş haradan bilsin ki, bu adam neçənci ildə anadan olub, ixtisası nədir, haralarda işləyib, orduda xidmət edibmi, yoxsa FƏRARİ-DEZERTİR  olub və s...
Gündəlik-Bakı olaraq bu barədə neçə ildir ki, yazırıq...
Digər vacib məsələ odur ki, vətəndaşlar 100-150 minlik rayonların icra başçılarının tərcümeyi-halına  baxanda məəttəl qalırlar. 
Bu adamlar daş karxanasından, nə bilim “svarşik”likdən, coğrafiya müəllimliyindən gəlib icra başçısı olurlar. 
Yəni bu adamların 1-cə gün də olsun idarəetmə təcrübəsi yoxdur. 
Belələrindən biri də Mərdan Camalovdur. 
Dəfələrlə yazmışıq ki, bu adam kənddə coğrafiya müəllimi işləyirdi...
Bəs nə baş verdi ki, bir gündə bu adam ŞƏRƏFLİ  MÜƏLLİM adından imtina edib, zavodda SVARŞİK oldu..?
Bax, icra başçılarının tərcümeyi-halında belə maraqlı məqamlar çoxdur. 
Sonra “svarşik”  dönüb oldu, rayonda RAYPO sədri...
Adamdan soruşarlar ki,  coğrafiya müəllimi hara, ticarət hara..? 
Amma  bu məqamda yada düşür ki, tarix müəllimi olan Hüseynqulu Bağırov da Azərbaycanda xeyli müddət ticarət naziri olub. Nə isə...mövzudan kənara çıxmayaq...
Bəli, Mərdan Camalov Şirvanda icra başçısı olanda Şirvanda 500 min dəyərində qiymətli metalı Rabitə nazirliyinin aparat  rəhbəri, cinayətkar Vidadi Zeynalovla bölüşərək həzm rabedən keçiriblər. 
Mərdan Camalov Şirvanda ən bahalı torpaqları verən, ticarət, ictimai-iaşə obyektlərini, restoranları  ələ keçirən, üstəlik  “DOST”  İş Mərkəzi xətti ilə ictimai işlərə adları qeyd edilmiş şəxslərin maaş kartlarını seyfində saxlayan  icra başçısı kimi tanınır. 
Bəli, Mərdan Camalovun  cibində 100-lərlə maaş kartı var idi. 
Mərdan Camalovun Şirvanda Azəriqaza məxsus  3 min metr  iri diametrli borunu doğrayaraq  satması və qazandığı pulları o zamankı  baş prokuror  Zakir Qaralovla bölməsi hamıya məlumdur. 
Hələ bu harasıdır ? 
Mərdan Camalov Şirvandakı torpaqları  əvvəlcə hektarlarla, sonra kv.m verib milyonlar qazandı.
İndi də yoldaş  Camalov  Zərdabın torpaqlarını verir. 
Təkcə Zərdab  torpaqlarını vermir eee…həm də şəhid  atasına kəllə atır…
Bəli, 1-ci Qarabağ müharibəsində şəhid olan əsgərimizin Zərdab sakini olan atası deyir: “ Mən  Mərdan Camalovun qəbulunda oldum. O mənim üstümə ŞIĞIYIB  QIŞQIRARAQ  MƏNİ VURMAQ İSTƏDİ. Orada olan insanlar müdaxilə etməsəydi, icra başçısı məni döyəcəkdi”.  Gör  dünyanın harasıdır ki, Mərdan Camalov şəhid atasının üstünə şığıyır, onu döymək istəyir. 
Sən kimsən ay çilingər, ay “qazovşik”, sən şəhid atasını döymək istəyirsən. Gəncənin icra başçısı Elmar Vəliyev də sənin kimi şəhid atasını döymək istəyəndə qeyrətli oğlanlarımızdan biri Elmarın qaşqasına necə bir kəllə qoymuşdusa, bir həftə ayağa dura bilməmişdi, sonrası da bəllidir. Sən belə aqibətdən qorxmursan, ay Mərdan Camalov ? 
Şəhid atası deyir ki, mən də başqa Zərdab sakinləri kimi qanuni sənədlərlə  25 illiyə  torpaq icarəyə götürmüşəm, taxıl, yonca  əkirəm, ailəmi dolandırıram: “ Mərdan Camalovun sifarişi ilə torpağı əlimdən aldılar. Həmin torpaq sahəsində əkdiyim taxili və yoncanı mal-qaraya otartdırıb tələf etdilər. Mal-qara sahibləri mənə dedilər ki, buna icazəni icra başçısı Mərdan Camalov verib”. 
Prezident İlham Əliyev demişkən, Camalov, sən Allahdan da qorxmursan ?
Şəhid atası deyir ki, Mərdan Camalov Zərdab rayonuna icra başçısı təyin ediləndən əhaliyə zülm edir.
İcra başçısı şəhid ailəsinə hörmətsizlik edir. 
Sözün qısası, Mərdan Camalova xahiş edərdik ki, Namidənin tok vuran yerindən bərk-bərk muğayat olsun, çünki Namidəyə görə Hacını 15 sutka, Maliyyə rəisi Həzinin oğlu İlqarı hal-hazırda 4 ay müddətinə həbsə göndərtmisiniz. Nahaq heç vaxt yerdə qalmır, Mərdan Camalov.
Elə bilirsən qohumun Rövşən işlətdiyi "Elvin" əxlaqsızlıq yuvasını çox hörmətli Hikmət müəllim elə belədən bağlayıb? Bu haqda növbəti sayımızda. Hörmətli Mərdan Camalov, bu yaxınlarda Şirvanda özəlləşdirdiyin şahmat məktəbindən, hektarlarla ərazisi olan uşaq bağçasını necə qonaq evinə çevirməyindən, makaron fabrikini necə apelyasiya məhkəməsinə icarəyə verməyindən, Heydər Əliyev parkının yarı hissəsini necə dəmir barmaqlıqlara salmağından, Müxalifət saytlarında özünə bəy tərifi yazdırmağından, Namidəyə hər il yeni maşın almağından, dayın Balamirzə ilə bacanaq olmağından, korteclə işə gəlib getməyindən, jurnalistləri təhdid etməyindən bəhs edəcək geniş yazı dərc edəcəyik. 
P.S Mərdan Camalov, jurnalist haqqında deyirmişsənki səndən torpaq və ya obyekt yeri istəyib verməmisən, ona görə də səndən yazır. Heç fikirləşmirsənki jurnalist söz adamıdır, şeyriyyata meyillidir, heç qorxmursanki Məmməd Araza istinadən deyərlər ki, "Yalançının beləsi belə". Heç o jurnalistlər sənin o qara sifətini görüblərki. 


gundelik-baku.com